Ipannakkel ni AKBAYAN Party-list Rep. Chel Diokno ti addang ti Philippine Amusement and Gaming Corporation (PAGCOR) iti panangikkat iti amin nga electronic gambling-related out-of-home advertisements.
Iti memorandum a nairuar idi July 7, ti state gambling regulator ket binilinda amin a licensees, suppliers, system administrators ken gaming venue operators nga ikkaten dagiti gambling ad material pakairaman dagiti nakadisplay kadagiti tren, bus, jeep ken taxi.
Segun ken ni PAGCOR Chairman Alejandro Tengco, napawaywayan dagiti licensees ken stakeholders-da agingga August 15 tapno ikkaten amin a gambling-related ads ken naallukoy nga agipasa iti inventory iti existing billboard ken wallscape ads agingga July 16.
Ti addang ket paset ti commitment iti ahensya nga ital-o ti nataltalged ken naresresponsable a gambling environment iti pagilian.
