Inalerto ti Philippine National Police (PNP) dagiti personnel ti Maritime Group ken Aviation Security Group para iti posible a panaglibas iti pagilian ni Senador Ronald Bato dela Rosa.
Ti addang ket kalpasan nga imbilang ti Department of Justice ni dela Rosa a pugante ken naibilin ti panangkemmeg kenkuana babaen ti bileg ti arrest warrant manipod iti International Criminal Court (ICC).
Naaramid iti bilin kalpasan nga imbasura ti Korte Suprema ti kiddaw ti senador para iti pannakairuar ti temporary restraining order (TRO) iti nasao a warrant.
Segun ken ni PNP Chief Gen. Jose Melencio Nartatez Jr., inalertodan ti police force tapno mapainget pay ti intelligence monitoring iti amin nga exit points pakairamanan ti southern backdoor.
Iti agdama ket ibilangen ti ICC a wanted ni dela Rosa para iti kaso a crimes against humanity maipanggep iti war on drugs ni dati a Pres. Rodrigo Duterte.
