VIGAN CITY – Agruprupsan a nasarakan ti bangkay ni Edwin Buita, agtawen iti uppat a pulo ket pito, caretaker nga agnaed idiay Brgy. Sabuanan, Sta. Lucia.
Iti pannaki-uman ti Bombo Radyo Vigan ken ni P/Capt. Juan Jhayr Maggay, napakaammoanda nga adda ti bangkay ti lalaki a nasarakanda iti bodega a kukua ni Marlyn Kirpatrick.
Gapu ti dayta, insigida a nagresponde dagiti pannakabagi ti linteg iti nasao a lugar ket nakitada ti bangkay a nakaigalut ti tengngedna babaen iti nylon plastic iti bobeda ken nakadisson ti bagina iti semento.
Natakuatan nga idi Martes a mapukpukaw ti biktima ken adda nadakamatna a parikutna babaen iti mensahe a nakita iti messenger account-na.
Nupay kasta, awan ti makita a foul play ti pannakatay ti biktima agsipud ta mapapati a depresyon ti rason no apay a nagbekkel ken awan ti dunor a pagilasinan a naparigat.
