Agtinnulong ti Department of Agriculture ken ti Intellectual Property Office of the Philippines tapno mangbukel iti geographical indication roadmap para kadagiti kangrunaan nga agricultural product ti pagilian.
Gagem ti addang a masalwadan dagiti lokal a produkto maibasar iti naggapuanna, mapagtalinaed tik alidad ken panagbalin a pudno dagitoy, ken mapalawa dagiti merkadoda iti uneg ken ruar ti pagilian.
Karaman kadagiti produkto a maitaltal-o para iti GI certification ti Cordillera heirloom rice, Camarines Norte queen pineapple, Bonuan bangus, Zambales mangoes, Quezon lambanoh ken pomelo, kasta payen ti cacao ken durian ti Davao.
Segun ken ni Francisco Tiu Laurel Jr., makatulong ti GI certification tapno maingato ti pastrek dagiti mannalon ken mangngalap, mapapigsa ti talek dagiti aggatang, ken maipangato ti export value dagiti produkto nga agricultural ti Pilipinas.
