Naipaima iti Narvacan Local Government Unit dagiti nadumaduma nga agri-input ken farm equipment a maiwaras kadagiti mannalon.
Personal a naipaima kada SBM Jovenn Ampo Jr., mangidaulo iti Committee on Agriculture, SBM Reina Alexa Antolin, SKF Chair Pamela Gasmen ken Municipal Agriculture Office Gary Cardona dagiti farm inputs ken makinaria.
Iti pannaki-uman ti Bombo Radyo Vigan ken ni SBM Jovenn Ampo Jr., dagiti farm inputs ken insecticides ket naggapu iti DA idinto a naggapu met iti probinsia dagiti ganagan ken dagiti hose.
Ipangpangruna ti lokal a gobierno ti Narvacan ti pannakaipaay ti tulong kadagiti mannalon kas kadagiti ramit a pagtalon, bin-I, insecticide ken dadduma pay.
Nupay kasta, nagyaman ni Mayor Pablito Sanidad ken ni Pres. Ferdinand “Bongbong” Marcos Jr. ken Gov. Jerry Singson iti agtultuloy a maipapaay a tulong iti Narvacan, Ilocos Sur nangruna kadagiti mannalon.
