--Ads--
Nagballaag ni Vice President Sara Duterte iti publiko kontra kadagiti tattao nga agpampammarang nga isuna iti maysa a messaging platform.
Inallukoy ti bise presidente iti publiko nga agannad kadagiti makapadudua a mensahe manipod kadagiti tao nga agpampammarang nga isuna.
Karaman iti ballaag ti screenshot iti maysa a patangan iti pakakitaan ti agpampammarang nga agkidkiddaw iti listaan dagiti kongresista a mapapati a mangsupsuportar kenkuana.
Segun ken ni VP Sara, saan a makikammayet, saan nga ited iti personal nga impormasyon ken saan nga agipatulod ti kuarta ta saan pulos isuna nga agkiddaw iti aniaman a pabor, pinansyal man wenno saan iti publiko.
-- ADVERTISEMENT --
