Agtultuloy ti panangipaay ti tulong idiay Venezuela manipud iti agduduma a pagilian kasaruno ti dua nga agsaruno a napipigsa a ginggined.
Nangipatulod ti tulong ti Amerika, pakairamanan ti panagideploy da dagiti elite rescue team, medical resources ken humanitarian assistance.
Inyanunsio ti US State Department ti panangilatang ti $150 milyon a tulong kabayatan nga imbilin ti US military ti puwersa da iti rehiyon.
Mangipatulod met ti Colombia ti humanitarian aid, karaman ti nasurok 60 rescuers ken uppat a search dogs.
Mangideploy pay ti El Salvador ti contingent nga adda 300 a rescuers ken paramedics, kalaksidan ti 50 metric tons a medisina ken kasapulan a suplay.
Ti met Chile ket mangipatulod ti specialized urban search ken rescue unit manipud iti fire department-da.
Kinumpirmaran met ni Cuban President Miguel Diaz-Canel nga aktibo a tumoltulong dagiti health personnel–da iti panangaywan dagiti biktima.
Napan metten iti Venezuela dagiti specialized personnel ti Dominican Republic nga adda ti intugot da nga emergency supply.
Nangipatulod met ni Pope Leo XIV ti initial aid package nga aggatad ti 100,000 euros wenno nasurok kumurang $113,700.
Kabayatanna, nangipatulod ti bukod da a rescue team ken tulong dagiti pagilian a Panama, Spain, Mexico, France, ken Japan, idinto a pinasingkedan ti European Union, Iran, ken China a nakasagana da a tumulong.
