--Ads--
VIGAN CITY – Kinemmeg dagiti otoridad dagiti uppat a suspek nga agayayam ti baraha idiay Brgy. Sta. Monica, Magsingal.
Nabigbig dagiti nakemmeg a da Ruel Rumbaoa agtawen uppat a pulo ket maysa; Roel Braceros agtawen tallo pulo ket innem; Ariel Barsatan agtawen tallo pulo ket siam ken Raymund Pacleb agtawen dua pulo ket walo.
Basar ti report manipod Magsingal Municipal Police Station, inwayatda ti operasyon kontra kadagiti suspek nga agayayam ti pepito ti natayan iti nasao a barangay.
Naala kadakuada ti uppat a ribo uppat a pulo a pisos a kwarta, uppat a mono block chair, maysa a lamisaan ken barahan a naaramat.
-- ADVERTISEMENT --
Ti agdama maisagsaganna ti kaso kontra kadagiti nakemmeg a suspek.
