Natay ti maysa a lalaki idinto a nadunor ti amana ta nakimatda bayat ti kaaddada ti kabaybayan idiay Barangay Darapidap, Candon City, Ilocos Sur iti oras ti alas singko kuarenta iti malem idi kalman, May 17, 2025.
Dagiti biktima ket da Fanuel Marba Waga Sr., agtawen iti limapulo ket siam, naasawaan, mangngalap; ken Fanuel Castro Waga Jr., agtawen iti duapulo ket dua, baro, estudyante nga agpada nga agnaed idiay Barangay Darapidap, Candon City.
Agpada nga agkalkalap iti kabaybayan dagiti agama idin nakimatda a ti kangrunaan a natamaan ket ti anak ta napuntaan iti tiyanna.
Agpadada a naipan iti St. Martin de Porres Hospital para ti pannakatamingda ket naammoan a nagsagaba ti numbness ti luppo ti ama idinto a naideklarar a dead on arrival ti putotna.
