--Ads--
Umaboten iti 6,144 nga aftershocks ti nairekord kalpasan ti magnitude 7.8 a gingined idiay Mindanao idi Hunyo 8, segun iti Philippine Institute of Volcanology and Seismology.
78 kadagiti aftershocks ti narikna kadagiti apektado a lugar, kas pinasingkedan ni PHIVOLCS Director Teresito Bacolcol.
Ti napigsa a gingined ket timmama iti kaadayo a 32 a kilometro abagatan a laud ti Maasim, Sarangani idi Hunyo 8 a nangitunda iti nagsasaruno nga aftershocks iti nadumaduma a paset ti Mindanao.
Bambantayan ti PHIVOLCS ti sitwasion ita kabayatan nga agtultuloy dagiti aftershock kadagiti apektado a lugar.
-- ADVERTISEMENT --
