Addan dagiti tropa ti militar iti Kingdom of Jesus Christ compound idiay Davao City kas pinasingkedan ni Philippine National Police Public Information Officer Chief Police Colonel Jean Fajardo.
Dayta ket kalpasan a nagpaarayat ti PNP iti Armed Forces of the Philippines kagiddan iti agtultuloy a panangsapilda keni pugante a Pastor Apollo Quiboloy ken uppat a kakaduana nga akusado.
Segun ken ni Fajardo, mismo a PNP ti nagkiddaw ti augmentation iti AFP gapu iti bannog ken innem a pulo a polis iti nadunor ta naaddaan ti tensyon iti KOJC Compound.
Kabayatanna, pinasingkedan ni Philippine Army Spokesperson Col. Louie Dema-ala a ti gagem laeng dagiti suldado iti KOJC compound ket augmentation forces laeng.
Inlawlawagna a ti addang ket crowd management ken humanitarian assistance ken saan a tapno tulongan ti PNP a kemmegen ti pugante a pastor.
