Nangrugin ti Armed Forces of the Philippines (AFP) iti panagsagana tapno mangipasdek ti bukod a military space center a mabalin nga space command wenno space force iti masangoanan.
Segun ken ni AFP Chief General Romeo Brawner Jr., inaprubaran ni Presidente Ferdinand Marcos Jr. ti pondo para iti proyekto a maaramid kadua ti Philippine Space Agency.
Gagem ti programa a papigsaen ti kabaelan ti militar iti komunikasion, ken panagaramat ti baro a teknolohiya kas ti drones ken dadduma pay a defense systems.
Pinasingkedan ni Brawner a target ti AFP maaddaan ti kaunaan a military satellites ti pagilian inton 2028.
Inlawlawag ti ahensia a masapul a maipasdek pay nga umuna ti space center tapno makabukel dagiti eksperto ken organisasion ti kasapulan sakbay pay nga agbalin nga aktibo dagiti satellite.
