Inkalintegan ti Armed Forces of the Philippines iti panangituloy da ti transparency initiative iti West Philippine Sea iti baet ti agtultuloy a panag-sinnungbat iti nagbaetan ti Philippine officials ken Chinese Embassy.
Pinasingkedan ni AFP spokesperson for the WPS ear Adm. Roy Vincent Trinidad a napateg ti narugyan da a kampania tapno maibaga iti publiko ti agresibo ken illegal nga aksion ti China iti teritoryo ti Pilipinas.
Napateg met ti nasao nga inisyatiba tapno kontraen ti panangpadas dagiti gangannaet nga impluwensia-an da dagiti adu a Pilipino babaen iti panagiwaras ti madi nga impormasion mainaig iti WPS.
Responsibilidad pay ti AFP a suportaran ti gobierno ti pagilian saan laeng iti panangprotektar iti teritoryo ti Pilipinas ngem iti panagiwaras pay ti husto nga impormasion mainaig iti nadakamat a kabaybayan a dakkel a pasetna ket kukua ti pagilian.
