--Ads--
Inrusat ti Department of Education ti pilot active threat simulation drills kadagiti pampubliko a pagadalan tapno papigsaen ti seguridad ken kinasagana kadagiti emergency kasaruno dagiti insidente ti kinaranggas kadagiti pagadalan.
Indaulwan ni Education Secretary Sonny Angara ti programa a pakaibilangan ti lockdown, lockout, ken evacuation drills.
Nabilin pay amin a pampubliko a pagadalan nga agaramid iti bukodda nga active threat response plans.
Segun iti DepEd, gagem ti inisyatiba nga ital-o ti kultura ken kinasagana ken mapagtalinaed a natalged dagiti pagadalan, kas maisurot iti pammilin ni Presidente Ferdinand Marcos Jr. ken iti DepEd Order No. 006, s. 2026.
-- ADVERTISEMENT --
