Pinasingkedan ni Gov. Ryan Luis Singson a napintas iti pannakaisayangkat ken panagtignay iti Provincial Government of Ilocos Sur inaig iti nabukel nga Action Center kontra iti Covid-19.
Segun kenni Gov Singson, naan-nayas iti panagtrabaho dagiti lokal nga ahensya ta nasayaat iti koordinasyon iti tunggal maysa ken awan iti mangkonkontra inaig kadagiti addang nga ipapatungpalda.
Kasta pay a kinuna nga agtaltalinaed met a covid-19 free ditoy probinsia ket 780 iti person under monitoring idinto nga innem met iti probable.
Pagyamanan pay ti gobernador iti sakripisyo ken pannakitinnulong dagiti health worker ken frontliner a mangkitkita iti pagsayaatan dagiti agindeg ditoy probisia iti kangitingitan iti enhanced community quarantine gapu iti covid-19.
Iti sabali a bangir, nawaya nga umawat iti imbitasyon ni Gov. Singson iti pannakisarita ken pannakalawlawag iti sinarita ni Tagudin Mayor Roque Verzosa inaig iti nakunana a saanna a bibiangan iti ili iti Tagudin ta ti laeng kiddawna ket agtinnulongda a mangidaulo iti ili ken matulonganna iti masakupanna a kas gobernador ditoy probinsia.
