Makikaysa ti Alliance of Concerned Teachers (ACT) Philippines iti Department of Education iti panangkondenar iti panangkaltas ti budget nga agingga P12 billion iti proposed budget para inton 2025.
Iti pannaki-uman ti Bombo Radyo Vigan ken ni ACT chairperson Vladimer Quetua, ita nga adda iti learning crisis iti pagilian ket dakkel iti addang nga aramiden tapno mapasayaat koma ti edukasyon iti pagilian.
Segun ken ni Quetua, rumbeng a manayunan pay koma ti budget ta saan pulos a ngumat-ngato iti 2.5-3.6% ti gross domestic product nga adayo iti international standard a 6%.
Maladingitan ni Quetua ta iti baet dagiti parikot a sangsangwen iti education sector ket nakaltasan pay laeng iti pondo uray dakkel iti pondo ti gobierno.
Patien ni Quetua a lapped iti kinabassit ti pondo iti implementasyon ti computerization program ta dagiti man laengen adda kabaelanna iti biag iti makabael nga ag-access iti digitalization a mabalin a makatulong kadagiti agad-adal ti panagbasada.
