Nagpanawagan ni House Committee on Higher and Technical Education Chairman Jude Acidre iti Senado iti panangidaulo ni Senate President Vicente “Tito” Sotto III ti dagus a panagipasa ti Bagong Balikbayan Act kabayatan a rinibo nga overseas Filipino workers ti agaw-awid iti pagilian kalpasan ti holiday season.
Pinasingkedan ni Acidre ti kinapateg ti panagipasa a dagus ti gakat tapno masimpa ken mapapigsa dagiti programa a makatulong iti panagserrek manen dagiti OFW’s iti lokal a trabaho ken negosio.
Ti gakat ket kangrunaan nga author ni dati nga House Speaker Ferdinand Martin Romualdez ken naaprobaran iti Kamara.
Ti House Bill No. 6643 wenno Bagong Balikbayan Act ket gagemna a pagmaysaen dagiti reintegration services ken palawaen ti tulong para ti pagbiagan ken mangited ti nalawag a suporta kadagiti agsubli a migrante a mangmangged ken dagiti pamilia-da.
