Addan iti kustodiya idiay Senado ni Nancy Gamo nga accountant ni suspended Bamban, Tarlac Mayor Alice Guo.
Naidalanen ni Gamo iti medical checkup kalpasan a naipan iti Senado idiay Pasay City a pagtalinaedanna agingga agsubli ti Senate inquiry ti na-raid a POGO hub idiay Bamban.
Ni Gamo a nakasoan gapu ti panagipilana kadagiti dokumento para kadagiti negosyo ti pamilia Guo ket nasayaat ti medical condition na.
Maipalagip nga imbilin ti Senado ti pannakakemmeg da Guo, Gamo ken innem pay a dadduma gapu ti agtultuloy a kaawanda kadagiti hearing.
Uppat a team ti naideploy idiay Senado tapno mangserbi ti arrest orders kontra ken ni Guo, Gamo, Dennis Cunanan ken kabagyan ti mayor nga isu da Shiela Leal Guo, Wesley Leal Guo, Jian Zhong Guo, Seimen Guo ken Wenyi Lin.
Tunggal team ket na-assign iti specific arrest orders ta agdudumada iti address.
Naikkan iti duapulo ket uppat ti Office of the Sergeant-at-Arms tapno iserbi ti arrest orders ken ibalud dagiti walo a tattao iti opisina.
