Palimitaran ni Senador Risa Hontiveros ti access dagiti online gambling iti pagilian.
Segun ken ni Hontiveros, nadaras unayen a maigamer iti sugal ta accessible iti e-wallets ken super apps isu nga adun dagiti umili iti adu ti utangna.
Iti unnumbered bill nga impila ti senadora, kayatna a ma-regulate ti accessibility ti online gambling a pakaiparitan ti direkta a link iti e-wallets ken super apps iti online gambling platforms.
Dagiti laeng agtawen iti duapulo ket maysa agpangato iti mapalubosan nga ag-register ken makipaset iti online gambling platforms a pangidatagan dagiti licensed online gambling operator nga agipatungpal ti epektibo age verification protocols tapno masigurado nga awan ti naub-ubing ngem iti naidatag a tawen iti maka-access iti online gamings.
Nabilin iti amin a licensed online gambling operators a mangipatungpal ti maximum limits iti gatad a mabalin nga ipusta ta nu naaboten ti player ti limit ket otomatiko a suspended ti account-na iti panag-access iti online gambling services iti minimum a tallopulo nga aldaw.
Mailatang iti sangapulo a porsiento a sapul ti online gambling iti ospital ken rehabilitasyon para kadagiti naigamer ti online gambling, public education campaigns kontra iti gambling, monitoring ken enforcement programs ken research ken policy evaluation.
