--Ads--
Pinasingkedan ti Department of Agriculture a nainget ti panangmonitor ti gobierno kadagiti rice trader kasaruno ti naideklarar nga innem a pulo nga aldaw nga import ban iti regular ken well-milled rice.
Binallaagan ni DA Secretary Francisco Tiu Laurel Jr. dagiti rice trader a mabalin a makanselar ti permit-da ken mai-blacklist no mapaneknekan a naglabsingda iti import ban.
Nadakamat a numan pay adda imported rice a mailaklako iti P47-P48 kada kilo, nalaklaka a pagpilian iti P35-P42 a kasla agpada laeng ti kalidadna.
Inallukoy ni Tiu Laurel dagiti aggatang nga agridam iti panaggatang, kagiddan ti panangipasigurado ti DA ti panangbantayda iti panangsurot dagiti rice retailer iti nasao a pammilin.
-- ADVERTISEMENT --
