VIGAN CITY – Nakastreken ti gold medal match dagiti uppat a pambato ti pagilian iti kickboxing iti agtultuloy a Southeast Asian Games.
Karaman a nakastrek ti finals ti women’s event da Gina Iniong ken Renalyn Daquel taga- Manabo, Abra.
Inabak ni Iniong ni Lai Teng-nga ti Vietnam ti 55kg kick light category idinto nga inabak ni Daquel iti tallo a rikos iti laban ni Lumban Gaun ti Indonesia ti 48kg full contact category.
Malaksid kada Iniong kenni Dacquel, nakastrek pay ti gold medal match da Jerry Olsim kenni Jomar Balangui a nagay-ayam ti 69 kg kicklight ken 54kg low kick category.
Agsipud iti dayta, kinablaawan ni Samahang Kickboxing ng Pilipinas President Senator Francis Tolentino dagiti atleta gapu iti inpakita da a napintas a performance.
Kabayatanna, maibasar iti partial and unofficial medal tally ti SEA Games, agtaltalinaed iti umuna a puwesto ti Pilipinas a nakaalan ti sangagasut sangapulo ket lima a balitok a medalya nga adayo nga ad-adu ngem ti innem a pulo ket walo a balitok a medalya a naala ti Vietnam nga isu iti maikadua iti listaan.
