Pagpampanunotan ti Department of Education ti panangabang kadagiti nakarikep a pribado a pagadalan ken dadduma pay a saan a maar-aramat a pasilidad tapno masulbar ti kinakurang dagiti classroom, nga umabot iti nasurok 165,000 idi 2022.
Baben ti pannakitinnulong ti Student First Coalition ken dagiti ahensia ti gobierno, nangisayangkat ti DepEd iti Classroom Market Scoping Activity tapno makita dagiti maaramat a pasilidad ken posible a pannakitinnulong iti pribado a sektor.
Maysa kadagiti umuna a property a makitkita ket ti 1,385-square-meter Pita Property idiay Laguna, dati a Rainbow Institute of Learning, a mabalin a mangipaay iti dagus a classroom ken pasilidad nga asideg iti Don Manuel Rivera Memorial Integrated National High School.
Segun iti DepEd, daytoy a plano ti mangpunno kadagiti programa iti imprastraktura, kas nadardaras a solusyon iti kinakurang dagiti classroom.
