
Na Intercept ken dinadael ti Saudi-led coalition dagiti tallo a ballistic missile a pinatayab dagiti rebelde nga Houthi a nakatutok iti Riyadh, Saudi Arabia, idi Sabado. Daytoy ti maikadua a panang-atake iti kabisera iti uneg ti sumagmamano nga aldaw, kalpasan a natamaan ti kangatoan a building iti siudad idi Huwebes.
Kas sungbat, nangirusat ti Saudi-led coalition iti panang-atake iti Red Sea port ti Hodeidah ken kadagiti target dagiti Houthi a mangusar kadagiti missile ken drone iti Sanaa, Yemen.
Kas panagibales, impangta dagiti Houthi a puntiryaen da dagiti Puerto ti red sea ti Saudi Arabia ken nagballaag da kadagiti kompania ti eroplano a liklikanda ti airspace-na. Kinuna da pay a rinaut da ti maysa nga istasion ti kuryente ken Puerto iti makin-abagatan a paset ti Saudi Arabia.
Ti panagado dagiti panagraot ken ti kumarkaro a tension iti nagbaetan ti coalition nga indauluan ti Saudi ken dagiti Houthi, nga ad-adda a mangpakaro iti nabayagen a panagsusupiat ken krisis ti tao ti Yemen.










