--Ads--

Ti Department of Agriculture (DA) ket nangited ti tallo a modular cold storage facilities ditoy Ilocos Sur tapno malapdan ti pannakadadael dagiti apit ken masalakniban ti matgedan dagiti mannalon. Masarakan dagitoy kadagiti Ili ti Sto. Domingo, Bantay ken Narvacan nga  inaguraran idi Nobiembre 20.

Panggep dagiti pasilidad a pagtalinaeden a presko dagiti produkto ti agrikultura ken ikkan dagiti mannalon iti napapaut a panawen sakbay nga ilako da dagiti apit da.

Kagiddan daytoy, linukatan pay ti DA ti registration para iti tulong iti gasolina para kadagiti agricultural truckers ken nagiwaras iti Intervention Monitoring Cards para iti fuel subsidy para kadagiti mannalon.

Dagitoy a wagas ket paset ti GAIN Program ti DA a panggepna a papigsaen ti agricultural supply chain, kissayan ti gastos iti transportasion ken pagtalinaeden a makabael ti presio ti taraon iti baet ti epekto ti El Niño ken dadduma pay a karit iti ekonomiya.

-- ADVERTISEMENT --