
Nagdeklarar ti national disaster ti Fiji ken indeklara ti Tonga ti state of emergency gapu iti nakaro a tikag a pinataud ti El Niño, a nagresulta iti krisis ti suplay ti danum iti dua a pagilian iti South Pacific.
Segun ken ni Fiji Prime Minister Sitiveni Rabuka, madanagan unay dagiti umili iti kinakurang ti danum ken ti epekto ti napaut a tikag iti inaldaw a panagbiagda. Ipatulod met dagiti otoridad dagiti water truck kadagiti apektado a komunidad.
Kabayatanna, impatungpal ti Tonga ti 27-aldaw nga estado ti emerhensia tapno mapapartak ti panagresponde dagiti serbisio ti emerhensia iti krisis ti danum.
Segun ken ni Acting Prime Minister Viliami Latu, dakkel ti nadadael ti tikag kadagiti umili, gubuayan ti danum, agrikultura ken taraken, a mabalin a mangapektar met iti salun-at ti publiko.










