--Ads--

Nagpanawagan ni House Speaker ken AIPA President Faustino “Bojie” Dy III dagiti mammanday-linteg iti Southeast Asia a mangpapigsa iti panagkaykaysa ken ipatarusda kadagiti konkreto a linteg dagiti katulagan para iti natalna ken narang-ay nga ASEAN.

Iti pannakalukat ti maika-47 a General Assembly ti ASEAN Inter-Parliamentary Assembly (AIPA), impaganetget ni Dy ti napateg nga akem dagiti parlamento iti panagaramid kadagiti linteg ken panangilatang iti pondo tapno marikna dagiti umili ti pagimbagan ti panagdur-as.

Indagadagna pay dagiti pagilian a papigsaenda ti panagtitinnulong kontra iti cybercrime, disinformation ken dagiti peggad nga itden ti artificial intelligence wenno AI.

Kas presidente ti AIPA, impanamnama ni Dy a papigsaen ti Pilipinas ti relasion ti ehekutibo ken lehislatura ken inpettengna a napateg ti panagkaykaysa dagiti 11 a miembro a pagilian tapno masango dagiti karit iti rehion.

-- ADVERTISEMENT --