
Nagtinnulong ti Department of Energy (DOE) ken Economic Research Institute for ASEAN ken East Asia (ERIA) babaen ti dua a tawen a katulagan a mangaramid kadagiti polisiya para iti ad-adda a mapagtalkan ken abot kaya a suplay ti enerhiya iti pagilian.
Ti kangrunaan a panggepna ket mangkissay iti panagparnuray dagiti isla nga awan ti grid iti nangina a diesel babaen ti panagsukimat iti pannakausar ti babassit a liquefied natural gas (LNG) ken dadduma pay a nadalus a teknolohiya.
Saklawen pay ti katulagan ti pannaka papigsa ti koneksion ti Pilipinas iti ASEAN Power Grid babaen ti tulong ti research ken technical support manipud iti ERIA.
Manamnama a makatulong daytoy nga addang tapno mapatalged ti seguridad iti enerhiya ken bumaba ti gastos iti kuryente, nangruna kadagiti nasulinek nga isla ti pagilian.










