--Ads--

Irugi ti Philippine Health Insurance Corporation (PhilHealth) ti napalawa a komprehensibo a benepisio para kadagiti ubbing a biktima ti kinaranggas inton kalpasan ti 2027 wenno nasapa a paset ti 2028, segun ken ni Health Secretary Edwin Mercado.

Saklawen ti baro a benepisio dagiti serbisio medikal, psychological care ken follow-up consultations tapno masigurado ti agtultuloy a pannakaaywan dagiti biktima uray no makaruarda iti ospital.

Mapalawa pay ti Yaman ng Kalusugan Program (YAKAP) ken Z-benefit package tapno mapasayaat ti screening ken pannakaagas dagiti ubbing nga addaan iti posible a mental health conditions ken developmental disorders.

Segun ken ni Mercado, paset daytoy ti benepisio a roadmap ti PhilHealth a mangipangpangruna pay kadagiti nangato ti gastosna a sakit, pakairamanan ti kanser ken sakit ti puso, a manamnama a mairugi iti umuna wenno maikadua a kuarter ti sumaruno a tawen.

-- ADVERTISEMENT --