--Ads--

Mangi-deploy ti South Korea iti kanayonan a 8,400 a personnel tapno malapdan ti panagulbod iti Suneung, ti national college entrance exam a maangay inton Huebes, Nobiembre 19, a tabunuan ti 550,000 nga estudyante.

Impakaammo ni Prime Minister Han Seong-sook ti naing-inget a panangsukimat kadagiti estudyante, pakairamanan ti panangsukimat kadagiti sarmingda, kawesda ken dadduma pay a lugar a mabalin a pangilemmengan dagiti elektroniko nga alikamen.

Segun ken ni Han, dagiti matiliwan nga agulbod ket mabalin a maiparit a mangala iti Suneung agingga iti 10 a tawen, nga ad-adu ngem iti agdama a maysa a tawen, bayat a maidarum met dagiti nairaman iti nakaro a panaglabsing.

Inaramid ti gobierno dagiti naing-inget a wagas kalpasan nga inamin ti maysa nga indibidual nga agus-usar iti artificial intelligence (AI) ken miniature camera tapno agulbod iti national exam para kadagiti tax accountant.

-- ADVERTISEMENT --