--Ads--

Kinemmeg ti Polish Internal Security Agency (ABW) idiay Poland ti tallo nga agtutubo nga agtawen iti 16 ken 17 gapu iti maipagarup a panangplanoda iti panangraut kadagiti terorista ken nainaig iti internasional a neo-Nazi movement.

Natakuatan dagiti imbestigador a maipagarup a nagsinnukat dagiti dua nga agtawen iti 17 iti impormasion maipapan kadagiti explosive, improvised firearms ken pyrotechnic materials a mausar iti panangraut.

Nasalamaan dagiti otoridad ti sumagmamano a kemikal a mabalin nga usaren a pagaramid iti bomba bayat ti panagsukisokda iti lugar nga us-usaren ti maysa kadagiti suspek.

Imbilin ti korte ti pretrial detention dagiti dua nga agtawen-iti-17 idinto a naikabil ti agtawen-iti-16 iti juvenile detention facility bayat nga agtultuloy ti imbestigasion.

-- ADVERTISEMENT --