--Ads--

Impasardeng pay laeng ti Bangko Sentral ng Pilipinas (BSP) ti P1-M threshold a nangitunda iti nayon a panangkita a naimbag kadagiti dadakkel a cash withdrawal agingga Enero 31, 2027, tapno mapaalisto dagiti lehitimo a transaksion ita a holiday season.

Nangrugi ti suspension idi Nobiembre 13 kasaruno ti panangapruba ti Monetary Board idi Nobyembre 12, gapu iti manamnama nga ad-adu a pagkasapulan ti publiko iti kuarta ken aktibidad a pang-ekonomia.

Nupay kasta, inlawlawag ti BSP a kasapulan pay a suroten dagiti bangko ken dadduma pay a financial institutions ti anti-money laundering regulations, agraman ti panang-monitor ken panangi-report kadagiti makapaatap a transaksion.

Maipalagip a naingato laeng iti P1-M manipud iti dati a P500,000 ti nasao a threshold iti salinong ti Circular 1230 tapno saan a maitantan dagiti lehitimo a transaksion kas ti payroll, loan releases ken dadduma pay a mabayadan iti negosio.

-- ADVERTISEMENT --