Naipan iti balay pagagasan dagiti dua nga indibidwal a karaman iti aksidente iti Along MacArthur Highway, Barangay Dili, Sta. Cruz para ti pannakatamingda.
Karaman iti aksidente ti maysa a Rusi motorcycle a minaneho ti agtawen iti uppat a pulo ket tallo residente ti nadakamat nga ili.
Karaman pay iti insidente ti maysa a Yamaha Sniper 155 motorcycle a minaneho ti agtawen iti sangapulo ket siam, awan ti driver’s license na ken residente ti Sison, Pangasinan.
Basar iti imbestigasion, ti Rusi ket agturong iti bagatan a direksion ket idi nagtengna ti nakapasamakan ti insidente, nag-signal isuna nga agpakannawan a mapan iti west outer lane.
Idi dayta a kanito, ti Sniper nga agdaldalyasat iti isu met laeng nga west outer lane nga agturong iti bagatan ket aksidente a nakadinnungpar na ti Rusi.
