Nakemmeg ti maysa a construction worker a sumangsango ti 10 a bilang ti acts of lasciviousness idiay Barangay Manueva, ili ti Santa.
Ti akusado ket agtawen iti limapulo ket maysa, residente ti Sitio Limansangan, Barangay Margaay, Narvacan, Ilocos Sur, maibilang a Top 1 most wanted person-municipal level.
Nakemmeg ti akusado babaen ti bileg ti warrant of arrest gapu ti nadakamat a kaso nga adda nairekomendar a piyansana a P180, 000 ti tunggal bilang ti kaso.
Kabayatanna, nakemmeg pay ti sabali a Top 1 most wanted person – municipal level idiay Barangay San Isidro, siudad ti Candon.
Ti akusado ket agtawen iti duapulo ket maysa, residente ti Barangay Banucal, Lidlidda, Ilocos Sur.
Sumangsango ti akusado ti tallo a bilang ti panaglabsing iti section 5(b) ti RA 7610 wenno Anti-child Abuse Law.
Adda nairekomendar a P200, 000 a piyansa ti akusado iti tunggal bilang ti kaso.
