Maysa a lalaki ti nasarakan nga awanen ti biagna idiay San Esteban Port, Barangay Villa Quirino, San Esteban, Ilocos Sur
Ti nasarakan a bangkay ket maysa a lalaki nga addaan iti husto a tawen, residente ti M. Soriano St. San Carlos City, Pangasinan.
Nakaawat ti San Esteban MPS iti report manipud iti Philippine Coast Guard-San Esteban a nasarakan ti nadakamat a lalaki iti uneg ti fishing vessel a nakasanglad iti San Esteban Port.
Segun kenni Patrolman Reymart Camorohan, kameng ti PNP a naidestino iti Maritime Group, napan isuna iti opisina ti PCG tapno i-charge ti selpon na ken napanna sinarungkaran ti nadakamat a lalaki tapno maki-koordinar iti seaborne patrol ngem dita a naduktalanna nga awanen ti biag lalaki a nakaidda iti suelo ti fishing vessel.
Agtultuloy pay laeng ti imbestigasion ken saan pay a masinunuo ti rason ti ipupusay ti lalaki.
