Nagirruar ti bilin ti Sandiganbayan para iti 90-days a preventive suspension kontra ken ni Leyte 1st District Representative Ferdinand Martin Romualdez mainaig ti nakapenpen a kaso kontra kenkuana iti anti-graft court.
Segun iti resolusion nga inruar ti korte, ti preventive suspension ket maysa a pagibasaran nga addang iti salinong ti Republic Act No. 3019 wenno Section 13 ti Anti-Graft and Corrupt Practices Act.
Inlawlawag ti Sandiganbayan a ti suspension ket saan a maysa a dusa wenno pinal a decision iti kaso, ngem maysa laeng daytoy a probision ti linteg tapno masigurado a saan a maaramat ti sinuman nga opisial ti posision na bayat nga agtultuloy ti panagdengngeg.
Iti salinong ti nadakamat a bilin, temporario a maisardeng ti panagtungpal ti Romualdez iti responsibilidad na kas mangibagi ti Leyte ken dadduma pay nga opisial nga aramid nga adda pakainaiganna iti opisina iti House of Representatives iti uneg ti tallo a bulan.
