Imbilin ni Department of Public Works and Highways (DPWH) Secretary Giovanni “Banoy” Lopez ti panagikkat iti puwesto dagiti uppat nga opisial ti ahensia gapu kadagiti alegasion ti korapsion, panagkikil ken irregularidad kadagiti infrastructure project.
Segun iti DPWH, karaman kadagiti naikkat iti puwesto iti puwesto da District Engineer Hermon Ines ti Tarlac 1st District Engineering Office ken Engineer Saidale Mitmug ti Cotabato 3rd District Engineering Office gapu dagiti reklamo ti maipagarup a korapsion.
Naikkat pay iti puwesto ni Officer-in-Charge District Engineer Clifton Valencerina ti Apayao 2nd District Engineering Office gapu iti maipagarup a panag-certify kadagiti proyekto a saan a mabalin a maipatungpal.
Basar ito report, karaman daytoy ti 59 a proyekto a nakaipalaon iti gakat a 2027 national budget nga immuna a maipagarup a naideklarar a mabalin a maipatungpal ngem nakitaan dagiti problema kalpasan ti panagsukisok.
