Awan ti nadangran iti napasamak nga aksidente iti national highway ti Barangay Poblacion Norte, Sta. Maria, Ilocos Sur.
Karaman iti aksidente ti maysa a white Isuzu Elf a minaneho ti agtawen iti duapulo ket siam, agnaed iti Barangay 24 Macupit, Bacarra, Ilocos Norte.
Kabayatanna, ti Toyota Innova ket minaneho ti maysa a lalaki nga agtawen iti tallopulo ket walo, agnaed iti Barangay Poblacion Bakun, Benguet.
Ti met Mitsubishi Adventure ket minaneho ti lalaki nga agtawen iti innem a pulo ket tallo, agnaed iti Barangay San Nicolas, Candon City.
Agpapa-amianan dagiti amin a lugan ket idi nagtengda ti nakapasamakan ti insidente, nagpreno dagiti dua nga MPV, ket pinadas ti trak ti agpreno ngem nagpalya ti prenona isu a natukbobna ti MPV.
Gapu dayta, ti MPV ket natukbobna met ti sarsarunwenna nga MPV met laeng.
