Nadunor dagiti nagkalubbon iti motorsiklo iti napasamak nga aksidente iti national highway ti Barangay Quinarayan, Narvacan, Ilocos Sur.
Ti trak ket minaneho ti maysa a lalaki nga agtawen iti limapulo ket tallo, agnaed iti Barangay Lungog.
Ti met motorsiklo ket minaneho ti maysa a lalaki nga agtawen iti duapulo ket pito, agnaed iti Barangay Ricarte, Batac, Ilocos Norte, kinalubbonna ti maysa a babai nga agtawen iti duapulo ket uppat, agnaed iti Purok 1, Barangay Quiling Norte, Batac City.
Agpapa-abagatan ti trak ket idi nadanonna ti nakapasamakan ti insidente ket nagsikko iti kannigid.
Ti met motorsiklo nga adda iti bangir a linya ket nag-overtake iti maysa a van nga adda mismo iti likudan ti trak.
Gapu dayta, naidungpar ti motorsiklo ti trak kabayatan nga agsiksikko.
Nagsagaba iti dunor ti nadumaduma a paset dagiti nagkalubbon, idinto a saan met a nadangran ti drayber ti trak.
