Mangnamnama ni Philippine National Police (PNP) Chief General Jose Melencio Nartatez Jr. a makemmeg kamaudiananna ni Senador Ronald Dela Rosa ta agtultuloy a bumasbassit ti lubongna gapu iti panagtitinnulong dagiti otoridad.
Inyunay-unay ni Nartatez a makipagtrabtrabaho ti PNP kadagiti dadduma pay a pannakabagi ti linteg, partikular dagiti yunit a makabael a mangisayangkat iti intelligence operations, tapno maammuan ti ayan ti senador.
Segun iti hepe, agtultuloy ti operasionda iti 24 nga oras iti inaldaw ken agtultuloy ti panagsukisok tapno masigurado ti pannakaipatungpal ti warrant of arrest kontra ken ni Dela Rosa.
Inyapelana pay iti publiko a makitinnulong kadagiti otoridad babaen ti panangipaay iti impormasion a makatulong a mangikeddeng iti ayan ti senador.
Innayon pay ni Nartatez a saan laeng a responsibilidad ti pulisia ti panangtaginayon ti kappia ken seguridad gapu ta napateg met ti pannakipaset ti komunidad ken lokal a gobierno iti pannakabagi ti linteg.
Impalgakna pay nga agtultuloy ti panangawat ken pananganalisar dagiti otoridad iti impormasion manipud iti publiko a mabalin a makatulong iti operasion, pakairamanan ti naballigi a pannakaaresto ni dati a Police Lieutenant Colonel Dublao babaen ti tulong ti impormasion nga imbingay dagiti umili.
