--Ads--
Impakaammo ni Manila Mayor Isko Moreno Domagoso nga umawat dagiti empleado ti city government iti sueldo, 13th month pay ken P5,000 cash gift inton Biernes, Nobiembre 13.
Nangidatag ti gobierno ti siudad iti P817.31-M para iti year-end bonus ken cash gift dagiti empleado, pakairamanan ti P762.46-M para iti bonus ken P54.85-M para iti cash gift.
Impasigurado pay ni Domagoso a saan a mabati dagiti agtartrabaho iti Contract of Service ken Job Order iti pannakaipaay ti benepisio.
Agsagsagana metten ti gobierno ti Manila a mangiwaras iti Christmas gifts kadagiti 700,000 a pamilia ken holiday packages para kadagiti senior citizens.
-- ADVERTISEMENT --
