--Ads--
Nakemmeg dagiti walo nga indibidwal a nagay-ayam ti Bingo iti naisayangkat a Anti-gambling operation idiay Barangay San Agustin, Candon City.
Dagiti biktima ket agpapada a babai, residente ti nadakamat a siudad.
Iti pannakiuman ti Bombo Radyo Vigan kenni PLT Jovelyn Antalan ti Candon City Police Station, impaganetget na nga adda nangipakaammo kadakuada a concerned citizen gapu iti panagay-ayam da iti nadakamat a sugal.
Segun ken ni Antalan, dua domingo da nga in-monitor ti aramid dagiti suspek sakbay a naisayangkat ti operasion.
-- ADVERTISEMENT --
Naammmuan a masansan a kastuy ti aramid dagiti suspek kalpasan ti trabaho da.
Dagiti suspek ken dagiti naala nga ebidensia ket naipan iti Candon City Police Station ken iti agdama Naipilan ti kaso a sangoenda.
