Dead on arrival ti maysa a lalaki kalpasan a na-aksidente idiay Barangay Poblacion, Sta. Catalina, Ilocos Sur.
Ti nagmaneho ti Suzuki Skydrive motorcycle ket agtawen iti duapulo ket innem residente iti siudad ti Vigan ngem naikamang iti ili ti Sta. Catalina
Iti pannakiuman ti Bombo Radyo Vigan ken ni PCPT Marlon Martinez ti Sta. Catalina Municipal Police Station, pinasingkedanna a daldalayasaten ti motorsiklo iti abagatan a direksion ket idi nadanon na ti nakapasamakan ti insidente, mapapati a naawanan ti control ti drayber ken aksidente a naidungpar iti poste iti igid ti kalsada.
Gapu ti impact, nagsagaba ti nakaro a pannakadunor iti ulo ken ti agduduma a paset ti bagi ti nagmaneho ti motorsiklo a naitaray iti balay pagagasan para ti naan-anay a pannakatamingna ngem naideklarar a dead on arrival.
Kabayatanna, pinasingkedan ni Martinez nga adda ti angot ti arak iti bagi ti biktima idi napasamak ti insidente babaen ti panangkumpirmar ti doktor a nangkita kenkuana.
Nupay kasta maiur-uray ti resulta ti medical examination a mangpaneknek a nakainom talaga ti arak ti nagmaneho ti motorsiklo.
