--Ads--
Inaprubaran ti Korte Suprema ti Guidelines on Fixing of Child Support tapno adda maymaysa a pagibasaran iti panangsumar iti sustento kadagiti ubbing.
Gagem ti addang a matarabayan dagiti huwes iti panangbigbig iti gatad ti suporta kadagiti kaso nga awan ti nakasurat a katulagan wenno agkasapulan iti panagbaliw iti sustento.
Karaman kadagiti maikonsidera ti pinansial a kabaelan dagiti nagannak ken dadduma pay nga obligado a mangted iti suporta, uray ti aktwal nga oras a mailatang iti panangaywan iti ubing.
Segun iti Korte Suprema, gagem dagiti pagannurotan nga adda patas, agpapada ken naibasar iti ebidensia a desision a mangipangruna iti pagsayaatan ti ubing.
-- ADVERTISEMENT --
