--Ads--
Makaawat iti agingga P30,000 a Collective Negotiation Agreement (CNA) incentive dagiti kwalipikado a kameng ti gobierno inton Disyembre, malaksid pay iti year-end bonus ken cash gift-da.
Segun iti Department of Budget and Management (DBM), pammigbig daytoy iti kontribusyon dagiti mangmangged iti panangpasayaat ti serbisio publiko ken panangipangato iti produktibidad dagiti ahensia ti gobierno.
Manamnama a maited ti insentibo iti maikadua a paset ti Disyembre, depende iti panangsurot kadagiti ahensia kadagiti naituding a requirements.
Nupay kasta, inlawlawag ti DBM a saan a garantisado ti sibubukel a P30,000 a maawat ti tunggal kameng ta nakadepende iti aktwal a gatad iti available savings ti opisinada.
-- ADVERTISEMENT --
