Imbilin ni Interior Secretary Jonvic Remulla iti Bureau of Jail Management and Penology nga agipasa iti uneg ti uppat a pulo ket walo nga oras ti comprehensive report mainaig iti panangipalubos iti personal nga aide ni former House Speaker Martin Romualdez nga agtalinaed iti uneg ti pagbaludan.
Kasaruno detuy ti panangamin ti BJMP iti Sandiganbayan Third Division a palubosan ti staff ni Romualdez nga asikaswen dagiti kasapulan iti uneg ti pagbaludan.
Nakabalud ti agpampanday linteg iti Quezon City Jail mainaig ti kaso a plunder nga adda pakainaiganna iti maipagarup a kickback manipud kadagiti infrastructure project nga aggatad ti P7.44 bilyon.
Karaman pay iti masapul a maipasa dagiti dokumento ken rekord a sumoporta iti nadakamat a kinaurnos, kasta pay ti palawag no masursurot dagiti linteg ken regulasion.
