Impeksa ni National Bureau of Investigation (NBI) Director Melvin Matibag ti pammatina a dakkel ti posibilidad a matunton ken makemmeg ni Senador Ronald Bato dela Rosa iti kabiitan a panawen.
Segun ken ni Matibag, mangisayangkat dagiti otoridad iti operasion a maibasar iti intelligence reports tapno maammuan ti eksakto a lokasion ni Dela Rosa a mapapati nga adda ditoy Pilipinas.
Inlasin ti Department of the Interior and Local Government (DILG) ti P50-M a gunggona para iti pannakatiliw ni Dela Rosa, a maibilang nga armado ken napeggad, bayat a makisarsarita dagiti otoridad iti protection group ti senador tapno masigurado ti panagsuko daytoy.
Iti sabali a bangir, kinemmeg ti International Criminal Court (ICC) ni dati a Presidente Rodrigo Duterte ken agtaltalinaed a nakabalud sadiay The Hague, Netherlands, nga agur-uray iti pannakabista iti kaso a crimes against humanity.
