Nagun-od ti Democratic Party ti kontrol ti 2 a puesto ti Kongreso ti Estados Unidos kalpasan ti midterm elections a naangay idi Nobiembre 3, a maibilang a dakkel a kantiaw iti Republican Party ni President Donald Trump.
Iti resulta ti eleksion, nakagun-od dagiti Democratic iti di kumurang a 54 a tugaw iti Senado kontra iti 44 kadagiti Republicans, bayat nga iti Kamara dagiti Democratic ket nangidaulo met babaen ti 231 a tugaw no idilig iti 141 a tugaw dagiti Republicans.
Iti pannakiuman ni Bombo Radyo Vigan ken ni Bombo International News Correspondent Rene Ballenas, imbingay na nu kasano ti nagbalin a proseso ti eleksion ken ti posible nga epekto ti panagballigi dagiti Demokratiko iti administrasion ni Trump, nangruna ita ta napigpigsa ti opposition ngem iti administrasion na iti Kongreso.
Karaman kadagiti kangrunaan nga isyu iti eleksion ket ti nangato a presio dagiti tagilako, ti kasasaad ti ekonomiya, ken ti gubat iti Iran, a nakaigapuan ti pannakadismaya ti adu a botante iti agdama nga administrasion.
Iti laksid daytoy, agtalinaed ni Trump iti opisina na agingga iti panakaleppas ti terminona gapu ta saan a paset ti midterm elections ti pannakapili ti baro a Presidente. Nupay kasta, manamnama a narigrigat para kenkuana a mangipasa kadagiti singasing na gapu ta mabalin a kontraen dagitoy dagiti demokratiko.
