Nakemmeg ti maysa nga agtawen iti uppat a pulo ket dua a lalaki a maitudtudo nga adda pakainaiganna iti pammaltog ti maysa a radio anchor idiay Roxas City, Capiz.
Nabigbig ti suspek a ni alyas Doming a karaman iti listaan ti Most Wanted Person idiay Tapaz, Capiz.
Segun iti Philippine National Police (PNP), nakemmeg ti suspek idi Oktubre 30 idiay Barangay Poblacion, Tapaz, iti insayangkat nga intelligence-driven operation dagiti pulis.
Iti statement ni PNP Chief Police General Jose Melencio C. Nartatez Jr., pinasingkedanna a napateg ti panagsukisok dagiti kaso nga adda pakainaiganna iti kinaranggas kontra kadagiti brodkaster.
Segun ken ni Nartatez, napateg ti kinatalged dagiti media practitioner gapu iti akem da iti panangted ti impormasion iti publiko.
