Inawagan ni House prosecution spokesperson Zia Alonto Adiong ti Senate impeachment court nga agpapada nga ipatungpal ti sub judice rule iti agsumbangir a dasig iti pannadengngeg ti kaso nga impeachment kontra ken ni Bise Presidente Sara Duterte.
Kasaruno daytoy ti panagsarita ni Duterte spokesperson Paolo Panelo a nangkwestion iti proseso ken iti panangikkat ti prosecution iti tallo nga articles of impeachment.
Iti sabali a bangir, indepensa ni Adiong ti tignay ti prosekusion ken impapilitna nga adda bileg ti Senado a mangikeddeng iti bukodna a paglintegan ti bista.
Iti agdama, Artikulo II laeng ti sursuroten ti prosekusion, kagiddan ti awag ni Adiong a mangipasigurado iti patas ken transparent a pannakaipatungpal dagiti pagannurotan tapno mataginayon ti integridad ti bista.
