--Ads--
Umaboten iti baro a record-high a P19.66 trillion tioutstanding debt ti Pilipinas iti agtapos ti Setyembre, nangatngato iti 0.3% ngem iti P19.61 trillion idi Agosto, segun iti Bureau of the Treasury (BTr).
Nangatngato pay daytoy iti 12.6 percent ngem iti P17.46 trillion nga utang ti pagilian iti isu met laeng a panawen idi napan a tawen.
Segun iti BTr, kangrunaan a rason ti panagpangato ti utang ti panangiruar iti government securities, panangala iti nayon a foreign loans, ken ti bimmaba a sukat ti piso iti dolyar.
Iti pakabuklan nga utang, 67.4 percent wenno P13.25 trillion ti domestic debt, idinto a 32.6 percent wenno P6.41 trillion met ti external debt.
-- ADVERTISEMENT --
